Plantun de Prouvènço

Pèr coumpara dos planto d'encò nostre

Dianthus armeria & Oenothera glazioviana

Dianthus armeria

Caryophyllaceae

Noms en français : Oeillet arméria, Oeillet velu.

Descripcioun :
La girouflado-à-bouquet, qu'èi coumuno soulamen dins la Prouvènço séusouso, trachis sus li tepiero un pau umido e li sablas. La planto èi pelouso, ramificado en aut e acabado pèr uno enflourejado de 2 à 8 flour. Aquéli se recounèisson eisa emé si petalo roso à poupro, tacado de blanc e descoupado. Li bratèio pounchudo soun mai longo que li sepalo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun
Jun à avoust

Liò : Tepiero umido - Sablo - Terraire safrous
Estànci : Termoumediterran à Coulinen
Couroulougi : Éurosiberiano
Ref. sc. : Dianthus armeria L., 1753

Rougeto(di-gràndi-flour)

Oenothera glazioviana

Onagraceae

Autre noum : Erbo-dis-ase.

Nom en français : Onagre à grandes fleurs.

Descripcioun :
La rougeto-di-gràndi-flour trachis majamen dins lou limas en ribo d'aigo ounte flouris au printèms, es à dire mai d'ouro que si cousino (coume Oenothera biennis que flouris en estiéu). Se recounèis eisadamen à si petalo mai grando (45 mm), à si boutoun mai prim, sa coulour mai roujo e subretout à soun estigmate en crous, pu long que lis estamino (fotò).

Usanço :
Soun óurigino s'atrouvarié dins un mestissage (ibridacioun) dins un jardin en Éuropo e se sarié espandido dins lou mounde. A li mémi prouprieta que la rougeto, Oenothera biennis.